Նախագծով առաջարկվում է բարձրորակ տրիկոտաժի արտադրության ձեռնարկություն հիմնել Հայաստանում: Արտադությունը նախատեսվում է հիմնել ճապոնական Shima Seiki ֆիրմայի տրիկոտաժե ապրանքների արտադրման սարքավորումների օգտագործման վրա:
Նախագիծը հետազոտական ծրագիր է, որի առարկան ապացույցների տարբեր տեսակների ձեռքբերման, օգտագործման և գնահատման հարցերն են Եվրոպական միությունում։ Նախագծի նպատակը ապացույցների և ապացուցման հիմնախնդիրների բացահայտումն է ԵՄ անդամ պետությունների իրավական համագործակցության համատեսքտում։
Ծրագիրն ուղղված է Հայաստանում գործարարական ծրագրեր ու բիզնես գաղափարներ ունեցող անձանց կողմից բիզնեսի հիմնմանը և գործարարական գործունեության ծավալմանը նպաստելուն։ Նախագծի նպատակն է նաև սկսնակ, փոքր ու միջին ձեռնարկատերերի բիզնես գործունեությանն օժանադակելն ու արտահանման խթանումը։
Փաստաբանական էլեկտրոնային գրասենյակի մշակման ծրագրի նպատակը տեղեկատվական տեխնոլոգիաների հնարավորությունները փաստաբանական գործունեության բնագավառում ներդնելն ու արդյունավետորեն կիրառելն է։ Նախատեսվում է մշակել էլեկտրոնային համակարգ, որը հնարավորություն կտա ապահովել փաստաթղթերի ճիշտ շրջանառությունը գրասենյակներում։
Ծրագրով նախատեսվում է իրականացնել գիտական հետազոտություն և ուսումնասիրել քրեական դատավարությունում պետական միջոցների հաշվին իրավաբանական օգնության իրավունքի ապահովման պետության քաղաքականությունը որպես արդար դատաքննության և արդարադատության մատչելիության իրավունքի երաշխավորման բաղադրատարր:
Ծրագիրն ուղղված է ՀՀ-ում դատական բարեփոխումների իրականացմանը նպաստելուն, որի շրջանակներում կապահովվի նաև ՀՀ փաստաբանների պալատի կարողությունների զարգացումը և մարդու իրավունքների պաշտպանությունը։ Ծրագրով նախատեսվում է մատուցել անվճար իրավաբանական օգնություն Երևանում և ՀՀ բոլոր մարզերում բնակվող սոցիալապես խոցելի խմբերին։
Ծրագրի նպատակը ՀՀ իրավունքի զարգացմանը նպաստելն է։ Նախատեսվում է ծրագրում ներգրավել փորձագետ-փաստաբանների և իրականացնել գիտավերլուծական գործունեություն իրավունքի տարբեր ոլորտներում: Ծրագրի շրջանակներում ներգրավված փաստաբանները կիրականացնեն ՀՀ սահմանադրական դատարանին ուղղված դիմումների ուսումնասիրություն և կտրամադրեն եզրակացություններ։
Նախագծով նախատեսվում է ստեղծել անվադողերի վերամշակման արտադրամաս, որտեղ կվերամշակվեն անվադողեր և ռետինե ու ռեզինե այլ թափոններ: ՎԵրամշակված թափոնների կարտադրվեն ռետինե սալիկներ, սպորտային հատակներ։ Նախագծով հետաքրքրված անձինք կարող են կապ հաստատել նախաձեռնողի հետ ծրագրի մասին առավել մանրամասն տեղեկություններ ստանալու համար։
Նախագծով նախատեսվում է կազմակերպել բուսական թեյերի արտադրություն: Կստեղծվի շուրջ 10 հոգանոց խումբ, ովքեր կհավաքեն տարբեր խոտաբույսեր ՀՀ տարբեր մարզերից և համայնքներից։ Հավաքված խոտաբույսերը կլվացվել, կչորացվեն համապատասխան տեխնոլոգիայով, կփաթեթավորվեն և կառաքվեն մանրամեծածախ գնորդներին։ Մանրամասները կներկայացվի միայն նախագծով հետաքրքրված անձանց։
Մենք աշխատում ենք մի շարք նախագծերի վրա, որոնք շուտով կտեղադրվեն այս էջում։
Շարունակեք հետևել էջին ձեր նախընտրած նախագիծը գտնելու համար։